Gjatë javës së kaluar, në qarqet e futbollit janë përhapur spekulimet se Neymar mund të kthehet në Barcelonë këtë verë dhe se kjo është dëshira e tij më e madhe.
Për këtë ka folur drejtori sportiv i Barcelonës, Deco, duke shpjeguar situatën kur bëhet fjalë për Neymar.
Neymar u rikthye në Santos në fund të janarit pas ndërprerjes së kontratës me Al Hilal pas aventurës që pati në Arabinë Saudite.
Barcelona mund ta nënshkruajë pa dëmshpërblim pasi kontrata e tij po skadon, por pyetja është nëse katalanasit kanë nevojë vërtet për Neymar.
Deco, megjithatë, vendosi të “ndalojë spekulimet” dhe e bëri të qartë se ky nuk është aspak prioriteti i Barcelonës dhe se shumë gjëra duhet të bashkohen që kjo të ndodhë vërtet këtë verë.
“Shikoni, unë e dua Neymarin, e konsideroj një nga futbollistët më të mirë të 10-20 viteve të fundit, ai është një futbollist fenomenal dhe i madh. Megjithatë, disa histori nuk përsëriten në të njëjtën mënyrë. Ai ishte i mrekullueshëm te Barcelona, fitoi shumë trofe dhe luajti shkëlqyeshëm. Sigurisht, ekziston një mundësi teorike që ai të mund të kthehet, por mendoj se tani nuk është koha e mirë për të folur për rikthimin e tij në Barcelonë. Besoj se vetë Neymar nuk e mendon këtë. Rikthimi i tij i mundshëm nuk është vetëm çështje financash. Gjëja më e rëndësishme është që Neymar është sërish i lumtur dhe po shijon sërish futbollin”, tha Deco.
/GazetaBlic Sport
