Jose Mourinho nuk do të heqë dorë nga lojtarët shqiptarë. Timonieri portugez dëshiron të përforcojë repartin e sulmit dhe tashmë në radarin e tij ka rënë Edon Zhegrova.
Futbollisti i Kosovës mund të largohet nga Lille gjatë kësaj merkatoje, pasi në drejtim të tij ka disa oferta. Paraqitja e tij pozitive në Ligue 1 ka tërhequr vëmendjen e disa klubeve.
Zhegrova ka spikatur me lojën e tij të shpejtë, teknikën dhe kreativitetin në krahun e djathtë. Gjithashtu Napoli dhe Atalanta janë dy skuadra nga Serie A që kanë shprehur interes konkret.
Klubi francez kërkon rreth 25 milionë euro për kartonin e Zhegrovës, ndërsa Fenerbahçe raportohet se po përgatit një ofertë fillestare prej 20 milionë eurosh. Negociatat pritet të vazhdojnë në ditët në vijim, teksa interesimi për lojtarin po rritet.
