Tetë ditë pas një ndeshjeje të jashtëzakonshme në Paris, Bayern Munich dhe Paris Saint-Germain rikthehen të mërkurën në Allianz Arena për ndeshjen e kthimit të gjysmëfinales së Champions League.
Ndeshja e parë në kryeqytetin francez përfundoi 5-4 për PSG, duke hyrë në histori si gjysmëfinalja më e golave në Champions League.
parashikimi i ndeshjes
Ishte një ndeshje dramatike, ku loja u luhat vazhdimisht dhe mbrojtjet pothuajse nuk ekzistonin. PSG kaloi në avantazh të madh falë formës së jashtëzakonshme të treshes sulmuese: Ousmane Dembele, Desire Doue dhe Khvicha Kvaratskhelia, të cilët prodhuan shumicën e rasteve dhe golave në pjesën e parë të ndeshjes.
Megjithatë, Bayern reagoi fuqishëm duke u kthyer nga 5-2 në 4-5 brenda pak minutash, duke lënë gjithçka të hapur për ndeshjen e kthimit.
Për Vincent Kompany, situata nuk është e lehtë, pasi historia nuk është në anën e Bayern: në 10 raste kur kanë humbur ndeshjen e parë në gjysmëfinale europiane, janë eliminuar 9 herë.
Forma e fundit gjithashtu tregon luhatje, me barazimin 3-3 ndaj Heidenheim dhe një seri ndeshjesh me shumë gola, por pa stabilitet në mbrojtje. Në 3 ndeshjet e fundit janë shënuar plot 22 gola në total.
Nga ana tjetër, Luis Enrique dhe PSG kanë statistika shumë të forta në ndeshje jashtë fushe, me 6 fitore radhazi dhe 5 ndeshje pa pësuar gol.
Megjithatë, të mbash portën e paprekur në Mynih do të ishte surprizë e madhe, pasi Bayern zakonisht është shumë i fortë në shtëpi kundër PSG-së.
Të dy ekipet janë shumë pranë një rekordi historik: 45 gola në një sezon të Champions League (rekord aktual i Barcelonës), me PSG në 43 dhe Bayern në 42 gola.
Fituesi i kësaj përballjeje do të përballet në finalen e madhe në Budapest me njërën mes Arsenal dhe Atletico Madrid.
