Sulmuesi francez, Antoine Griezmann është shumë pranë një kapitulli të ri në karrierë, pasi ka arritur marrëveshje verbale me klubin amerikan Orlando City për t’u transferuar në MLS në verën e vitit 2026.
Sipas raportimeve të publikuara fillimisht nga Marca, pastaj nga Fabrizio Romano – palët kanë rënë dakord për një transferim pa kosto (free transfer), pasi kontrata e lojtarit me Atlético Madridin pritet të përfundojë në fund të sezonit, shkruan Indeksonline
Negociatat mes palëve kishin nisur më herët, me një tentativë për transferim që në mars, por kjo u refuzua nga klubi spanjoll. Megjithatë, bisedimet kanë vazhduar dhe tashmë është arritur një akord për kalimin e tij gjatë verës.
Griezmann pritet të udhëtojë këtë javë drejt Shteteve të Bashkuara për të finalizuar detajet e fundit të marrëveshjes dhe për të vizituar ambientet e klubit të ri./Indeksonline/
