Sulmuesi anglez Harry Kane po kalon një nga sezonet më mbresëlënëse të karrierës së tij, duke konfirmuar statusin si një prej golashënuesve më të mirë në botë.
Me plot 52 gola dhe 6 asistime në vetëm 44 ndeshje në të gjitha garat, ylli i Bayern Munich po udhëheq skuadrën bavareze drejt një sezoni potencialisht historik, transmeton GazetaBlic Sport
Forma e tij fantastike u reflektua edhe në gjysmëfinalen e DFB-Pokal, ku Kane realizoi golin e parë në fitoren 2-0 ndaj Bayer Leverkusen. Ky triumf siguroi kualifikimin e Bayernit në finalen e kompeticionit, duke i dhënë anglezit një tjetër mundësi për të shkruar historinë.
Me këtë gol, Kane arriti në kuotën e 7 realizimeve në këtë edicion të Kupës së Gjermanisë. Ai tashmë është në të njëjtin nivel me Robert Lewandowski, i cili kishte shënuar po aq gola në sezonin 2017/2018, duke ndarë vendin e dytë për numrin më të madh të golave nga një lojtar i Bayernit në një edicion të vetëm të këtij turneu në shekullin e 21-
Synimi i radhës për Kane është thyerja e rekordit të vendosur nga Thomas Müller, i cili në sezonin 2013/2014 realizoi 8 gola në Kupën e Gjermanisë, duke mbetur golashënuesi më i mirë i klubit në një edicion të vetëm të kësaj gare.
Finalja tashmë shndërrohet në një skenë perfekte për Kane, i cili jo vetëm që mund të ndihmojë ekipin të fitojë trofeun, por edhe të vendosë një rekord të ri personal dhe historik për klubin. Me formën që po kalon, gjithçka duket e mundur për sulmuesin anglez, i cili po shkruan kapituj të rinj në historinë e tij dhe të Bayern Munich.
/GazetaBlic Sport/
