Shqipëria pati një eliminim të hidhur në finalen e “play off” për Botërorin. Kuqezinjtë u mposhtën nga Polonia, edhe pse e mbyllën me avantazh 0-1 pjesën e parë. Një nga çuditë më të mëdha të ndeshjes finale, ishte mungesa e minutave për Anis Mehmetin.
Mesfushori me tipare sulmuese është lojtari më i vlerësuar në treg i Kombëtares. Mehmeti mban vlerën 14 milionë euro në “transfermarkt”.
Këtë sezon ka bërë mjaft mirë në Championship. Pas eksperiencës me Bristol Sitin, ishte Ipsuiç që vendosi të paguante për kartonin e tij në merkaton e dimrit. Në total janë 11 gola të shënuar dhe tetë të tjerë të asistuar, që e bëjnë edicion rekord sa i përket kontributit për gola.
Trajneri Silvinjo preferoi ta kthente Mehmetin pas tre viteve. Ishte pikërisht braziliani që i dha mundësinë e debutimit në vitin 2023, megjithatë nga ajo kohë nuk i ka besuar minuta pavarësisht rritjes së jashtëzakonshme.
EMANUEL LOCI-PANORAMASPORT.AL
