Spekulimet për një largim të mundshëm nga Barcelona kanë marrë një kthesë të rëndësishme, teksa Fermin Lopez ka dhënë shenjat e para se është i gatshëm të transferohet te Chelsea.
22-vjeçari po tërheq interes edhe nga një tjetër gjigant i Ligës Premier, Newcastle United.
Lopez është kontaktuar këtë javë nga Chelsea për një lëvizje të mundshme, ndërsa Barcelona ka bërë të ditur se nuk do të pengojë largimin e tij nëse ai kërkon të largohet.
Megjithatë, Barcelona ka vendosur një çmim prej 90 milionë eurosh për kartonin e tij.
Nga ana e tij, Fermin do të dyfishonte më shumë se dy herë pagën nëse kalon te Chelsea.
Derisa raportimet kanë qenë se Lopez po konsideron ofertën e Chelseat, ai gjithashtu ka shprehur dëshirën për të qëndruar në Barcelonë.
Megjithatë, Indykaila ka raportuar se spanjolli ka dhënë shenjën e parë se ai mund të jetë duke ndryshuar mendje, duke sqaruar se Lopez ka kërkuar leje nga Barcelona për të diskutuar një transferim me Chelsean.
Sipas informacionit të tyre, ai ka kërkuar që Barcelona të mos vendosë një çmim të lartë për largimin e tij, nëse ai realizohet.
Situata përshkruhet si e tensionuar, ndërsa Newcastle United mbetet gjithashtu në garë për transferimin, madje mund të ofrojë më shumë se Chelsea.
Ben Jacobs shtoi se Chelsea po punon shumë për ta bindur atë të largohet nga blaugranasit, që janë fokus kryesor i lëvizjeve të tyre aktualisht.
