Al-Hilal ka bërë një lëvizje serioze për transferimin e Harry Kane, duke kontaktuar drejtpërdrejt me përfaqësuesit e sulmuesit anglez.
Sipas raportimeve të fundit, Charlie Kane, vëllai dhe përfaqësuesi kryesor i yllit të Bayern Munichut, ka zhvilluar bisedime me drejtorin teknik të Al-Hilal, Simon Francis, gjatë fundjavës në Angli.
Kane është objektivi numër një i klubit saudit për repartin ofensiv, ndërsa Al-Hilal po përgatit një prej ofertave më të mëdha të para ndonjëherë për një sulmues në Saudi Pro League.
Megjithatë, transferimi mbetet i pamundur në këtë fazë. Bayern Munich po punon për rinovimin e kontratës së Kane, me synimin që marrëveshja e re ta mbajë atë në Mynih deri në vitin 2029. Vetë Kane ka deklaruar së fundmi se të dyja palët janë të qeta për negociatat dhe se bisedimet për kontratën e re pritet të zhvillohen së shpejti.
Al-Hilal, ndërkohë, po shqyrton edhe alternativa të tjera, përfshirë Ollie Watkins dhe Victor Osimhen.
