Raphinha iu nënshtrua testeve të mëtejshme mjekësore këtë të premte në mesditë në kompleksin stërvitor të Barcelonës.
Anësori vuan nga edema në pjesën e pasme të kofshës së djathtë, një dëmtim që e detyroi të largohej herët nga kampi i ekipit kombëtar si masë paraprake.
Lajmi i mirë për Barçën është se dëmtimi nuk është serioz dhe, për këtë arsye, ai nuk përjashtohet për ndeshjen kundër Getafes të shtunën, më 10 tetor. Megjithatë, klubi dëshiron të vazhdojë me kujdes ekstrem dhe të shmangë çdo rrezik të një rikthimi.
Trajneri gjerman nuk ka ndërmend të nxitohet me rikthimin e tij. Raphinha do të jetë i disponueshëm për ndeshjen e ardhshme vetëm nëse është në formë 100%. Ndryshe, Barça do të zgjedhë t’i japë më shumë kohë rikuperimi dhe do ta shtyjë rikthimin e tij./Indeksonline/
