Mesfushori i ri i Barcelonës, Fermin Lopez, e ka shkruar veten në librat e historisë së klubit.
Me performancën e tij të fortë kundër Olympiacos, ai arriti diçka që asnjë bashkatdhetar tjetër nuk e kishte bërë ndonjëherë për katalanasit në garën më prestigjioze të klubeve në Evropë.
Lopez u bë lojtari i parë spanjoll që shënoi një hat-trick për Barcelonën në historinë e Ligës së Kampionëve.
Përveç arritjes së tij historike si spanjoll, Lopez vendosi edhe një rekord tjetër. Ai u bë lojtari më i ri që shënon një hat-trick për Barcelonën në Ligën e Kampionëve që nga Cristian Tello në vitin 2012.
“Dua që ky top të nënshkruhet nga të gjithë shokët e mi të ekipit sepse e arritëm këtë së bashku”, tha Lopez pasi mori çmimin e Lojtarit të Ndeshjes.
/GazetaBlic Sport/
