José Mourinho e ka mbrojtur vendimin për ta zëvendësuar Vinicius Juniorin në ndeshjen ndaj Romës, duke theksuar se në futboll nuk ka lojtarë të paprekshëm, pavarësisht emrit apo statistikave.
Vinicius Junior nuk e përjetoi mirë zëvendësimin në ndeshjen e Ligës së Kampionëve kundër Romës, por José Mourinho i ka shpjeguar arsyet e vendimit të tij.
Sulmuesi brazilian u largua nga fusha në minutën e 59-të, pas një gabimi që i parapriu golit të Romës.
Në vend të tij u aktivizua Endrick, ndërsa Real Madridi përfundimisht arriti ta përmbyste rezultatin dhe të fitonte 4-3.
Mourinho e pranoi se Vinicius nuk ishte në nivelin e tij më të mirë, por theksoi se zëvendësimet janë pjesë e rëndësishme e strategjisë së një trajneri.
“Një lojtar është i paprekshëm vetëm kur e meriton me paraqitjet e tij. Nuk ka rëndësi statusi, shiriti i kapitenit, vitet në klub apo shuma e paguar për të”, ishte mesazhi i trajnerit portugez, sipas raportimeve të mediave spanjolle, përcjell “Gazeta Express”.
Mourinho: Vinicius duhet të punojë më shumë
Trajneri portugez e pranoi se gabimi i brazilianit në aksionin e golit të Romës ishte vendimtar, por nuk deshi ta dramatizonte situatën.
Ai gjithashtu bëri të ditur se pret reagim nga Vinicius dhe se konkurrenca për një vend në formacion mbetet e hapur.
Pavarësisht zëvendësimit, Mourinho vazhdon ta vlerësojë sulmuesin brazilian dhe pret që ai të rikthehet në nivelin e tij më të mirë.
Real Madridi, ndërkohë, po përgatitet për ndeshjet e ardhshme, ku çdo lojtar duhet të dëshmojë se e meriton vendin në formacionin titullar. /Express
